Hraundrangi - ganga og klifur

1075metrar

Um ferðina

Hraundrangi er hæsti tindur á Drangafjalli sem ætti ekki að hafa farið fram hjá neinum á leið til Akureyrar, en fjallið stendur tignarlega vestan megin í Öxnadalnum, um 40 mínútum frá Akureyri.

Hraundrangi stendur í 1075m.y.s. og var fyrst klifinn árið 1956. Fyrir það var dranginn talinn óklifanlegur.

Klifrið tekur um 7-9 klst. og krefst góðs úthalds. Klifrið er 80 metrar svo þetta er ekki fyrir lofthrædda og er gert í 3 spönnum. Toppurinn er mjög lítill og kemst ekki nema einn á toppnum í einu.

Fyrir fólk að sunnan: Ferðin norður tekur 5 klst. svo við mælum með að þið gistið nóttina fyrir og eftir klifrið fyrir norðan, hvort sem á Akureyri eða nágrenni.

Endilega hringdu eða sendu okkur vefpóst fyrir frekari upplýsingar.

 

Lengd göngu og klifurs: 7-9 klukkustundir

Erfiðleikastig: 5/5

Lágmarksaldur: 16 ára

Fjöldi: Lágmark 2 í hóp – hámark 4 manns.

Tímabil: Allan ársins hring

Bílfar: Akureyri, leiðsögumaður hefur samband með frekari upplýsingar.

Mætingartími:  8:00

 

Við útvegum þér:

  • Klifurbúnaður
  • Hjálma
  • Línur
  • Klifurskó
  • Klifurbelti
  • Leiðsögumann

Þú þarft að taka með:

  • Hlý föt
    • Regnjakka
    • Dún- eða primaloft jakka (gott í nestispásum)
  • Gönguskó
  • Húfu & hanska
  • 20-30l bakpoka
  • Mat & drykk fyrir gönguna
  • Sólgleraugu

Hægt er að leigja suma af þessum hlutum hjá okkur.

Veðurfar á Íslandi

Það kemur flestum ekki á óvart að veður á Íslandi er mjög breytilegt. Ef veðurspáin er ekki góð fyrir áætlaðan toppadag færum við ferðina ef þið getið ekki farið á öðrum degi, endurgreiðum við ferðina.

Fyrir nánari upplýsingar info@northiceexpeditions.is