Hvannadalshnúkur Hike

2110metrar

Um ferðina

Hvannadalshnúkur er hæsti punkturinn á Íslandi, þú kemst ekki hærra á eigin fótum. Þetta er einnig einn fallegasti staður landsins og þaðan sést víðamikið útsýni.

Við hittumst fyrst daginn fyrir ferðina og kynnum búnaðinn, svörum þeim spurningum sem hópurinn hefur og ákvörðum mætingartíma og stað eftir veðurfari.

Yfirleitt er farið af stað klukkan 6 um morguninn frá Sandfelli í Skaftafelli. Fyrst er farið upp Sandfell sem hækkar okkur úr 20m.y.s í 700 m.y.s.. Þá höfum við farið fram hjá læk þar sem hægt er að fylla á vatnsflöskur.

Næst er gengið upp að Skerinu sem er í 1100m.y.s. og markar hvar snjórinn hefst og hópurinn festir sig í línu. Hér er frábær staður til að borða nesti.

Næst á dagskrá er löng snjóbrekka til að koma okkur úr 1100m.y.s. í 1800m.y.s.. Á góðum degi er þetta ótrúlegur staður til að vera á, með Rótafellshnjúk til hægri og Dyrhamar til vinstri.

Þegar komið er í 1800m.y.s. tekur við stór slétta. Þar er stoppað á sléttunni til að borða og drekka. Þetta er líka fullkomið tækifæri til þess að taka myndir og njóta Öræfajökuls í öllu sínu veldi. Eftir gott stopp er gengið eftir sléttunni í átt að hnúknum sjálfum. Þegar komið er undir hnúkinn er tekið annað gott stopp til að borða og setja á sig mannbrodda. Þá eru 200metra upphækkun eftir á toppinn.
Þegar þú ert kominn á hæsta tind landsins ferðu bara eina leið og það er niður sem er sú sama og upp.

Hvannadalshnúkur er hæsti tindur Íslands, hnúkurinn stendur á Öræfajökli sem er partur af Vatnajökli. Hvannadalshnúkur er partur af Vatnajökulsþjóðgarði og rís 2110m.y.s..

Við mælum með að taka gönguna á þremur dögum

Dagur 1.Keyra í Skaftafell og gista
Dagur 2.Toppadagur 10-14klst
Dagur 3.Sofa vel og keyra svo heim. Við mælum ekki með því að keyra heim sama dag og toppað er vegna þreytu.

 

Lengd göngu: 10 - 14 klukkustundir

Erfiðleikastig: 4/5

Lágmarksaldur: 13 ára

Fjöldi: Lágmark 2 í hóp – hámark 6 manns

Tímabil: Maí til júní

Bílfar: Ekki í boði

Mætingarstaður: Fyrst hittumst við daginn áður í Freysnesi í Skaftafelli og ákveðum þar stað og tíma

Mætingartími: 6:00

 

Við útvegum þér:

  • Allan jöklabúnað
  • Mannbrodda
  • Ísexi
  • Línur
  • Karabínur
  • Klifurbelti
  • Leiðsögumann

Þú þarft að taka með:

  • Hlý föt
    • Regnjakka & buxur
    • Dún- eða primaloft jakka (gott í nestispásum)
  • Gönguskó
  • Húfu og hanska
  • 20-30l bakpoka
  • Mat og drykk fyrir gönguna
  • Sólgleraugu
  • Göngustafi (ekki nauðsynlegt)

Hægt er að leigja suma af þessum hlutum hjá okkur.

Veðurfar á Íslandi
Það kemur flestum ekki á óvart að veður á Íslandi er mjög breytilegt. Ef veðurspáin er ekki góð fyrir áætlaðan toppadag færum við ferðina ef þið getið ekki farið á öðrum degi, endurgreiðum við ferðina.

Loading...

Fyrir nánari upplýsingar info@northiceexpeditions.is